trips

حكاية ناس بتحب الجمال و بتصدره للعالم

الفيوم طلعت حكايه كبيرة مش بس شلالات وادى الريان و لا سواقي الفيوم

ولا الجمال و المارشملو المشوى. ممكن تقضى فيها ويك اند غنى جدا بالانشطه سفارى جامد جدا بالعربيات ال 4×4 و تشوف البحيره المسحوره فى وسط الصحراء

و وادي الحيتان اللى كان زمان بحر فيه حيتان من قبل التاريخ بملايين السنين و هتلاقى متحف رائع للحفريات

كمان متحف مفتوح فى الصحراء..هتقدر تستمتع بالشاى عالفحم فى الصحراء على قمه جبل ساعه العصارى

و تدلع نفسك بوجبة شرقيةجميلة و شيك فى قريه تونس.. و تشوف غيطان الكاموميل (البابونج)

على طول الطريق و غيطان الورود و النباتات العطريه اللى بتتصدر لكل انجاء العالم ..

قرية تونس في الفيوم

و ممكن تدخل قريه تونس اللى اشتهر سكانها بصناعه الفخار و الخزف اللى بيتصدر لكل انحاء العالم

وهتشوف حيطان البيوت و هيا مرسومه و ملونه بأجمل و أزهى الرسوم بايدين ولاد القرية

و متنساش تشترى طبق أو مبخرة جميلة تذكار من هناك ..

و تستمتع بفن أولاد تونس اللى كان السبب فيه مدام ايفيلين (ام انجلو) الست دى فنانه سويسريه

عشقت الفيوم و عاشت معظم حياتها فيها و علمت أهل تونس صناعة الفخار و الخزف

و كانت السبب فى شهره القريه البسيطه دى

ممكن تشوف الغروب عالبحيره و تاكل احلى وجبه سمك طازه عالبحيره

و تنام فى بيت ريفى جميل و بسيط او فى فندق.الفيوم حكاية ناس بتحب الجمال و بتصدره للعالم.;

الوسوم
اظهر المزيد

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى