رحلة وادي الريان

تجربة التخييم في وادي الحيتان

تجربة التخييم في وادي الحيتان

تجربة التخييم في وادي الحيتان واهم الحاجات اللي المفروض تكون معاك.

 محمية وادي الحيتان هي محمية طبيعية في صحراء الفيوم واللي بيميزها انها بعيده عن اضواء وزحمه المدن ب 38 كيلو في قلب الصحراء.

و ده اللي بيخليها بعيدة عن اي light pollution وبيخليك تشوف السما بالشكل الجميل ده بكل تفاصيل النجوم وذراع المجره

وفصل الصيف او شهور الصيف هي احسن فتره،

ممكن نبص فيها على السما عشان ذراع المجرة بيكون باين كويس جدا بالذات لو في ليله مش قمريه.

 منطقة وادي الحيتان

تجربة التخييم في وادي الحيتان بتبدأ بأول ما بنوصل المحميه هنزور المتحف المفتوح والمغلق اللي فيه حفريات عمرها 40 مليون سنه من وقت ماكان المنطقه دي

جزء من محيط واللي ساب وراه بعد ما اختفى حفريات محفوظه في الصخراء

 

هنطلع بعدها الجبل عشان ونتصور مع فيو صحراوي جميل لحد ما يجي وقت الغروب،

اللي هنشوف فيه سقوط قرص الشمس الاحمر في الأفق.

 

بعد الغروب هنبدأ في التخييم على حسب الشركه اللي هتطلع معاها الخيم وممكن تلسكوبات ونبدأ في رصد السما والاجرام السماويه والنجوم.

 

وناخد رحلة في بدايات الكون وحجمه وعمره ومكوناته بس ده بتفرق من رحلة للتانيه هتلاقوا ناس بتشرح عن المجرات والنجوم بالتفصيل

وطبعا الحدث الاهم في الليلة دي ذراع المجره اللي بنشوفه بعنينا المجرده وذراع المجره اللي عمرك ماهتشوفوا،

الا في قلب لصحراء وفي مكان بعيد عن اي مصدر ضوء وفي سما مفيهاش غيوم او قمر بس مشهد عمركم ماهتنسوه،

مع بداية الشروق هنلم حاجتنا وهنلم الشنط و هنتحرك علي وادي الريان هناك هنلاقي،

البحيره والشلالات والتلال وسهول الخضره

واجواء مختلفه عن الليله اللي قبلها ونكمل طريق الرجعه على القاهره

ملحوظة مفيش شبكه هناك نهائي في نطاق المحمية وطبعا مش محتاجينها عشان هدفنا الاساسي اننا نفصل عن العالم الالكتروني

 حاجات تجيبها معاك في الرحله دي :

1- حاجه تفرشها علي الارض ملاية او غطاء او سليبنج باج أو خيمه

2- الجو بليل بيكون ساقعة شوية اعمل حسابك في جاكت مثلا

3- كشاف للضروره بس

4- خد كيس ترمي فيه الزباله حفاظا علي نظافه المكان

5- مية شرب وسناكس خفيفه

6- كوتشي او شبشب ولبس مريح

7- نزلوا ابليكاشن موبايل Star walk هيديكم فكره عن شكل السما واماكن النجوم فيها

بقلم:اسامه شريف

الوسوم
اظهر المزيد

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى