رحلة وادي الريان

شرح بشكل بسيط قرية تونس والفيوم

قرية تونس ومحمية وادي الريان

قرية تونس بالفيوم

خلينا نقول ان الفيوم كمدينة ممكن تكون مش كبيرة او مش جميلة يعني احنا لحد دلوقتي مافيش عندنا سينما او مول كبير مثلا.

 

بس عندنا الحاجة اللي مش موجودة مدن تانية واكثر سياحة من الفيوم ف انت كجست،

لو بتفكر تيجي الفيوم ف انت قدامك حاجتين لازم تعملهم بأي شكل.

محمية وادي الريان


أول حاجة انك تعمل داي يوز في صحراء الفيوم وتجرب الساندبوردينج في محمية وادي الريان ،

وتحديدا في الماجيك ليك وتركب الفلوكة في البحيرة السفلي. وتطلع جبل المدورة.

بالأضافة انك هتلاقي هناك اغلب الألعاب اللي تطلع طاقتك فيها كرة قدم وطايرة وخيل وجمال،

ولو عايز تجرب مغامرة المبيت فالصحراء هتلاقي هنا خيم وكل فرد بياخد سليبنج باج،

و هتلاقي ناس بتعرف تعمل الكامب فاير علي أصوله مع الشاي البدوي و المارشيملو.

قرية تونس بالفيوم

تاني حاجة ممكن تعملها فالفيوم هي قرية تونس يعني أجمال مكان ممكن تروحه فمصر،

في ماء او خضرة القرية ريفية زي أي قرية بسيطة جدا،أهلها بيمتهنوا الزراعة،

وبدأت فالفترة الاخيرة تدخل فيها صناعة الخزف والفخار وبدأ يطلع منها فنانين عباقرة،

وبقت الاولوية لاي حد هناك انه يدخل مدرسة ايفلين.

كل حاجة فالقرية هنلاقي فيها روح تحس انها هاتنطق من جمالها الفيو هناك 3 حاجات،

خضرة وماء وصحراء بالتدريج بيعملوا شكل مش هاتشوف زيه حرفيا دا غير الهوا اللي يرد الروح،

هوا نضيف بمعني الكلمة بعيد بقي عن اي زحمة ودوشة وجع دماغ.

هناك تفصل تليفوناتك وتشغل كاميرا بتاعتك وتنبسط وبس المبيت هنا ف 3 حاجات ،

فيلات

وشاليهات

وفنادق

كل حاجة وليها سعرها حسب امكانيات المكان والفيو بتاعه بس كلهم اتفقوا علي حاجتين،

الهوا اللي يرد الروح والسيرفس.

كل مكان بيعرف يعني ايه يكرم الضيف ويبسط العميل هناك هتلاقي القعدة الملوكي اللي بيقولوا عليها.

في اماكن بقي ماينفعش نروح تونس ومانزورهاش اول حاجة لازم تاخد بعضك كدا،

وتلف فالقرية وتشوف جمال وبساطة كل حاجة فيها.

تاني حاجة هانشوفها متحف الكاريكاتير بتاع الفنان محمد عبله،

وهانتفرج علي الصور ولو عايزين نرسم بإيدينا بنبلغ المكان قبلها وبيجيبولنا مدرب وبنعمل وورك شوب.

تالت حاجة بقي هي مدرسة إيفلين ودي أهم حاجة موجودة في قرية تونس بالفيوم.

دي المدرسة اللي عرفت الناس هنا حرفة الصناعات اليدوية للخزف والفخار،

لو بتسمع علي الانبهار من غير ماتجربه اعرف انك هاتجربه.

فالمكان دا هناك هتلاقي ناس شغالين فالمدرسة من 18 سنة ،

شاربين الحرفة وبيشرحولك من اول مابيجيبوا العجينة من اسوان بكل المراحل،

اللي بيمر بيها لحد ماتاخد المنتج اللي مكتوب عليه اسمك هناك في ابداع حرفيا.

دا غير بقي انك ممكن تجرب بإيدك تعمل حاجة لحبايبك وياحظك بقي لو ايفلين نزلت المدرسة،

فاليوم اللي هانروح فيه هاتشوف ست سويسرية معجونة بماية فيومي،

حرفيا شعر اصفر وعيون خضرة ولهجة فيومية صرف.

وكمان بقي لازم تفطر فطير مشلتت وعسل اسود ومش و تتغدا بط فيومي وملوخية،

دا شرح مبسط لرحلة للفيوم واللي عنده اي استفسار ميتردتش ويكلمنا

 

الوسوم
اظهر المزيد

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى