EventsPlaces to visitTips for travellersTop tourstripsرحلات2رحلة وادي الريانسياحة و سفر

محافطة الفيوم من أجمل بقاع الأرض

لوأنت مصري أفرح عشان عندك محافطة من أجمل بقاع الأرض اسمها محافطة الفيوم .

لو انت بتحب الAdventure والأنطلاق وسط الجبال والصحاري الفيوم مكان مثالي بالنسبالك فيها اماكن وانت موجود هناك هتحس انك ع المريخ مثلا, 

معظمنا عارفين ان بحيرة قارون الموجوده دلوقتي هي اخر جزء متبقي من بحيرة موريس أو البحيرة الكبيرة

زي ما كان أسمها أيام الفراعنة اللي مش كلنا عارفينه بقي.


أن البحيرة كان بيجيلها الميه من النيل ايام الفيضان لأنخفاضها حوالي 45 متر عن سطح البحر وقيال في مخطوطات قديمة ان المياة كانت بتتخزن 6 شهور 

و ال6 شهور التانيين كانو بيستخدموها ف ري الاراضي وده كان بيتم ف عهد الملك امنمحات الثالث الاسره ال12 فرعوني

وده اللي أمر بانشاء قناه لعبور المياه للبحيرة وسدين عشان تخزين المياه اثان الفيضان ووقتها الفيوم كانت هي عاصمة مصر.

قرية تونس 1
    محافطة الفيوم

محافطة الفيوم


الكلام ده بقي معناه ان الصحراء حوالين البحيرة مش مجرد صحراء لا، انت ياسيدي بتكون بتتمشي في قاع بحيرة جافه بالمعني الحرفي

وهتقابل حفريات كتير ف طريقك وأصداف متحجره،ده غير المنظر الخيالي اللي هتشوفه بعينك مش هلاقي كلام يوصف لازم تجربو بنفسكم.

طيب كده خلاص ؟.. لااااااا لسه طبعا التقيل جاي وادي الريان .. الجبال المدوره .. شلالات الريان .. وادي الحيتان.

مش هرغي تاني كتير بقي روحو شوفو ومتعو عيونكم بالجمال سبحان الخالق.. ميزانية الرحلة هتختلف حسب دماغك

يعني هتروح بعربيتك ولا مواصلات ..

والجبال هتدخلها بعربيات سفاري ولا علي رجليك وناوي تقعد كام يوم وحابب تبقي مستقل ف اكلك شربك اقامتك ولا هتروح كامب أو فندق.

لو أول مره هيكون صعب لانك مش هتبقي عارف الاماكن كويس.اعملو حسابكم تقضو يومين بليله ك حد ادني عشان تستمتعو بالرحله.

توصلو للكامب اوالفندق وتغيرو هدومكم وتبدأو استكشاف المكان وقت الغروب هتاخدو اجمل صور فعلا.ترجعو للكامب عشان السهره البدوي

بعدين ترتاحو شويه تحت النجوم وجمالها.تنامو كام ساعه وتصحو بدري تاخدو عربيه او تمشو حسب دماغكم لغاية البحيره الاقرب ليكم حسب مكان اقامتكم.

انا بفضل الشروف ف الجانب الشمالي من بحيرة قارون.تروحو منطقة الشلالات بدري قبل زحمة الناس تتحركو للجبال المدوره

هتتفاجئو بالجمال هناك وتتصورو كتير انزلو للبحيرات المسحوره وشوفو الغروب هناك.

برنامج رحلات وادي الريان
البحيرة المسحورة

بقلم :علي طارق

مقالات تهمك:

الوسوم
اظهر المزيد

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى