رحلة وادي الريان

التخييم في وادي الحيتان

وادي الحيتان بالتفاصيل

وادي الحيتان

التخييم في وادي الحيتان

 

وادي الحيتان في  التخيم والمبيت بالفيوم مغامرة ممتعة جدا بتبعدك عن دوشة المدينة،


تخيل انك تبقي ماشي في ارض كانت في يوم عبارة عن قاع محيط ،

وكمان تشوف هياكل حقيقية لحيتان كاملة على بعد 150 كم من القاهرة،

تقع محمية وادى الحيتان اجمل مكان هتشوف فيه منظر السما ظاهر فيها المجرات والنجوم

تجربة السفر والمبيت في وادي الحيتان مغامرة ممتعه جدا.

بتاخدك بعيد عن دوشة المدينة وتخليك تعيش احلى وقت فى هدوء وسحر الطبيعة بس الاول خلينا نسأل سؤال مهم ..

ايه هو وادي الحيتان ؟أهم المعلومات عن وادي الحيتان ؟

  • وادي الحيتان منطقة غير مأهولة بالسكان وهي جزء من محمية وادي الريان بالفيوم بس بتبعد عن وادي الريان بحوالي 40 كيلو متر والطريق عبارة عن مدق غير ممهد .
  • اكتشفوا في وادي الحيتان 10 هياكل كاملة لحيتان كانت بتعيش في المنطقة،
  • واكتر من 300 حوت متحجر بيرجع تواجدهم قبل حوالي 40 مليون سنة ،
  • وكانت جزءا من محيط كبير يشمل شمال إفريقيا (بحر تيث) بالإضافة إلى حفريات بحرية كتيرة ممكن تشوفها

في المتحف المفتوح .

-في نفس الوقت يعتبر وادى الحيتان بيئة طبيعية للحيوانات المهددة بالانقراض زى ثعلب الفنك وبعض الطيور المهاجرة.

بالاضافة بقى ان وادى الحيتان يعتبر مكان مميز جدا جدا للرصد الفلكى لبعده عن تلوث وضوضاء المدينة.

  • في سنة 2005 م تم تصنيف منطقة وادي الحيتان منطقة تراث عالمي واختارتها اليونسكو كأفضل مناطق التراث العالمي للهياكل العظمية للحيتان.
  • وادي الحيتان من المناطق الي مفيهاش تغطية لأي شبكة محمول علشان لو ناوي تروح اعمل حسابك ان مش هتكلم حد ودي طبعا م وادي الحيتانيزة , وكمان مفيش اي مصدر تيار كهربائي فاعمل حسابك علي كشافات وباور بانك
  • شكل السما هناك فظيع وبتشوف الآلاف النجوم بعينك والموضوع هيكون حلو اوي للناس المهتمة بتصوير النجوم والمجرات .
  • هناك في حمامات نظيفة جدا واماكن للتخيم والمبيت لان المكان اطور بمنحة اجنبيه ووفروا فيه حمامات ولوح ارشادية للتعريف بالحيتان وكمان متحف فيه مجموعة كبيرة من الحفريات وكمان في ناس هناك من المحمية شغلتهم انهم يوفروا لكم الاكل والنار بالليل

عشان التخييم والتدفئة والانارة لدرجة انك هتحس انك مش عايز الليل يخلص من جمال المكان والسما والمكان امن جدا.

الطريق بياخد حوالي 3 ساعات من القاهرة،

وهتزور هناك المتحف و فى الغالب مسئول المتحف بيشرح كل جزء فية و بعد كدة بيدخلك غرفة العرض،

ودى بيتعرض فيها فيلم مدته 12 دقيقة تقريبا بيشرح كيف تم اكتشاف الحفريات للحيتان و كيفية استخراجها،

(باللغة العربية و الانجليزية).

المكان هناك تحفة كل لما تمشي بتلاقي بقايا حيتان متحجرة والمحمية كبيرة جدا واوعي تفوت الغروب هناك لانه جميل جدا

و بليل اوعي تنام لانك هتستمتع جدا بمشاهدة النجوم و الكواكب لانها بتكون ظاهرة جدا و فية جروبات بتروح هناك علشان تتفرج بس علي النجوم و فية ناس مهتمة بالفلك بتشرح بأستفاضة النجوم و الكواكب .

وانت هناك لازم تروح جبل المدورة لانها بتطلع علي لسان البحيرة و المنظر من فوق جميل جدا للتصوير لا يوصف فعلا انت مش هتبقي عايز تنزل من الجبل تماما .

6 نصائح علشان تستمع فى محمية وادي الحيتان

1-خد معاك مياه كتير متلجة لانك هتحتاجها لان هناك مافيش اي مصدر للمياة الساقعة ،

( فية كافتريا هناك زجاجة المياة الصغيرة مش غالية ب 5 جنية ).

2- بليل خد حاجة تغطي بيها انفك علشان التراب هيبهدلك بسبب الرياح.

3- الجو بليل في الصيف جميل مش ساقعة ولا حر ف روح بلبس صيفي عادي،

بس اعمل بردو حسابك فى طقم تقيل عشان لو بردت بليل.

4- تاخد معاك كشاف عشان بليل مفيش نور غير ف مكان اللى ف الكافيه اللى بيعمل الاكل و الحمام بس.

5- خد معاك شوز خفيف عشان المشى احتمال تمشى كتير ف المتحف المفتوح.

6-اعمل حسابك لو هتنام مفيش غير خيم بس للنوم وماتنمش بدرى عشان تتفرج على النجوم والشهب لان ده احسن مكان ممكن تشوف فيه نجوم وشهب ومجره درب التبانه.

 

الوسوم
اظهر المزيد

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى